Patay ang mahigit 100 indibidwal sa tatlong araw na karahasan at kaguluhan sa Northern Nigeria.
Sa imbestigasyon ng mga otoridad, dumating sa lugar ang mga armadong grupo saka sinalakay at pinagbabaril ang mga sibilyan.
Bukod pa dito, ilang mga bahay din ang sinunog kasabay ng pagsunog sa mga katawan ng mga biktimang nasawi.
Wala pang umaako sa naganap na karahasan pero patuloy pang pinaghahanap ng mga otoridad ang mga suspek habang inaalam narin kung may iba pang nadamay sa pangyayari.
Sa ngayon, naghihintay pa ng karagdagang impormasyon ang mga opisyal sa naganap na insidente. —sa panulat ni Angelica Doctolero
