Mahigit 2.8 milyong katao na ang lumikas sa Ukraine mula nang salakayin ito ng Russia noong February 24.
Ayon sa United Nations High Commissioner for Refugees (UNHCR), aabot na sa 2,808,792 ang bilang ng refugees.
Sinabi ng UN International Organization for Migration, kabilang sa mga lumikas ang nasa 127,000 third-country nationals, na mga estudyante at migrant workers.
Mahigit 1.7 milyong refugees ang nananatili sa Poland, habang ang iba naman ay nagtungo sa iba pang European countries.
Bago ang tensyon sa pagitan nito ang Russia, mahigit 37 milyong indibidwal ang naninirahan sa Ukraine.
