Nasabat ng mga awtoridad ang 2.7 million pesos na halaga ng hinihinalang shabu mula sa isang tulak ng droga sa ikinasang buy-bust operation sa Barangay Hipodromo, Cebu City.
Ayon kay Drug Enforcement Group Deputy Chief Police Lt. Col. Glenn Gonzales, ang hindi pinangalanang suspek ay sinasabing miyembro ng isang malaking drug group na kumikilos sa lungsod.
Tumitimbang ng 400 gramo ang umano’y shabu na nakumpiska mula sa suspek na ngayo’y nahaharap sa kasong paglabag sa Comprehensive Dangerous Drugs Act of 2002.
