Pansamantalang nananunuluyan sa gynasium ng Abra de Ilog Occidental Mindoro ang mahigit 20 pamilya matapos ilikas bunsod ng pagtaas ng ilog sa lugar.
Pawang mga residente ng barangay Tibag ang mga inilikas na binigyan na ng mga modular tents.
Ayon sa chairman ng barangay Tibag, ang pagtaas ng lebel ng tubig sa ilog ay bunsod ng walang tigil na buhos ng ulan na sinabayan pa ng hightide.
Tiniyak naman ng lokal na pamahalaan ng Abra de Ilog na nakahanda na ang kanilang mga rescue equipment sakaling kailanganin ng mga residente.
