Aabot sa 299,520 doses ng Pfizer COVID-19 vaccine ang dumating sa bansa kagabi.
Ang naturang shipment ay donasyon ng US Government sa Pilipinas sa pamamagitan ng CoVax Facility.
Ilalaan ang naturang mga bakuna sa mga batang edad 12 taong gulang pataas.
Ayon sa NTF COVID-19, pumalo na sa kabuuang 245.38 million doses ng bakuna kontra COVID-19 ang natanggap ng Pilipinas. —ulat mula kay Raoul C Esperas (Patrol 45)
