Umakyat na sa 433,399 ang mga naitalang lumabag sa umiiral na quarantine protocols kontra COVID-19.
Ito’y batay sa tala ng Joint Task Force COVID-19 Shield mula march 17 nang simulan ang community quarantine hanggang September 30, 2020.
Nadagdagan ito ng 6,679 quarantine violators mula nang mag update ang JTF COVID-19 Shield nitong September 27.
Sa ulat ni JTF COVID-19 Shield Commander Lt. General Guillermo Eleazar, 112,852 violators ang nakulong at na-inquest, habang ang iba ay pinalabas matapos sampahan ng kaso.
166, 613 sa community quarantine violators ay binigyan lamang ng warning at pinauwi rin, 153, 934 naman ay pinagmulta.
Kasunod nito, nagpapaalala ang pamunuan ng JTF COVID-19 Shield sa publiko, na sumunod sa mga safety protocols na pinatutupad ng mga awtoridad para mapigil ang pagkalat pa ng banta ng virus.
