Aabot sa siyamnaraan at labinlimang (915) barya ang natagpuan sa loob ng tiyan ng dalawampu’t limang (25) taong gulang na sea turtle sa Thailand.
Ayon sa mga doktor, nakita na lamang nilang iregular ang paglangoy ng pagong na si Omsin na ang ibig sabihin ay piggy bank sa salitang Thai.
Lumalabas na nalunok ng pagong ang mga baryang itinatapon sa pool na kinalalagyan nito dahil sa goodluck na dala nito para sa mga turista.
Sa ginawang pagsusuri sa pagong na si Omsin, tinatayang nasa limang kilo ang bigat ng mga baryang nalunok nito.
Naging matagumpay naman ang operasyon sa pagong na tumagal ng halos pitong oras.
By Ralph Obina
