Posibleng hindi makapaglaro ng isang buwan sa PBA Philippine Cup ang star player ng Mahindra Floodbusters na si Gary David.
Ito’y bunsod ng natamong injury ni David sa kaliwang tuhod sa kanilang pakikipagharap sa defending champion San Miguel Beer.
Sa naturang game, naitala ng Floodbusters ang kanilang ika-apat na sunod na talo sa score na 94-91.
Umaasa naman si Mahindra Coach Chris Gavina na hindi makaaapekto sa kanilang gameplay ang pagkawala ni David.
Kampante rin si Coach Chris na masisilat nila ang kanilang unang panalo sa pagpasok ng bago nilang miyembro na si Jeric Teng.
By Drew Nacino
Photo: PBA Images
