Balik na sa Eat Bulaga ngayong unang araw ng 2018 si Dabarkads Phenomenal Star Maine Mendoza.
Halos isang buwang hindi napanood sa Eat Bulaga ang Dubsmash Queen partikular sa segment na Sugod Bahay.
Lumutang pa ang usap – usapang posibleng nasuspindi si Maine dahil sa isang post niya sa social media.
Malakas na hiyawan ng mga tao ang narinig sa paglabas ni Maine sa naturang Eat Bulaga segment habang nasa studio naman ng ang ka-loveteam na si Alden Richards.
Kaagad ding nag-trending sa Twitter ang hashtag na #AlDub2018 at Maine para iwelcome ang pagbabalik ni Maine Mendoza.
Magugunitang nilinaw ni Bossing Vic Sotto na hindi sinuspindi si Maine at nagbabakasyon lamang ito sa Amerika kasama ang kanyang pamilya.
