Magbabalik Eat Bulaga na ang Phenomenal Actress at Dubsmash Queen na si Maine Mendoza sa New Year, Enero 1, 2018.
Ito ang kinumpirma ng talent manager ni Maine na si Rams David.
Ayon kay Rams, nakasanayan nang live ang Eat Bulaga tuwing New Year episode at inaasahang kumpleto ang lahat ng host ng nasabing noon time show sa nasabing araw.
Pinabulaanan din ni Rams ang espekulasyong tatalikuran na ni Maine ang showbiz.
Aniya, nagpapahinga lamang ang aktres sa kasalukuyan at nagbabakasyon kasama ang pamilya sa Estados Unidos.
Dagdag ni Rams, deserving naman aniya si Maine na magpahinga dahil sa dami ng mga proyekto at trabaho nito.
Tuloy din aniya ang pagsasamahang pelikula ng AlDub o nina Maine at Alden Richards bagamat naantala ito dahil sa pagbabago ng istorya.
Una nang pinabulaanan ni Bossing Vic Sotto ang balitang suspendido si Maine sa Eat Bulaga matapos na maglabas ng kanyang open letter sa social media.
