Patuloy parin ang maaliwalas na panahon na may tiyansa ng mga pag-ulan, pagkulog at pagkidlat sa hapon hanggang gabi.
Posible paring maranasan ang mainit na panahon sa umaga hanggang tanghali dahil sa paghina ng hanging habagat na nasa West Philippine Sea (WPS).
Ayon kay Pagasa weather specialist Raymond Ordinario, asahan din ang maaliwalas na panahon maliban na lamang sa mga isolated rain showers o thunderstorm sa bahagi ng Visayas at Mindanao.
Wala namang nakataas na gale warning ang Pagasa sa anumang baybayin ng bansa kaya malayang makakapalaot ang mga kababayan nating mangingisda at maliit na sasakyang pandagat.
Agwat ng temperatura sa Metro Manila ay maglalaro sa 25 hanggang 33 degrees celsius habang sisikat naman ang haring araw mamayang 5:26 ng umaga at lulubog naman ito mamayang 6:24 ng hapon.
