Makasama sa Pacquiao-Hord undercard ‘dream come true’ para kay Pinoy boxer Ancajas

Natupad din ang pangarap ni World Junior-Bantamweight Champion Jerwin Ancajas na makasama sa undercard ng Manny Pacquiao-Jeff Horn megafight sa Hulyo 2.

Ayon sa Panabo City fighter, hindi niya sasayangin ang bihirang pagkakataon na ito upang maipamalas ang bangis niya sa kanilang bakbakan sa ring ni Teiru Kinoshita ng Japan sa Suncorp Stadium sa Brisbane, Australia.

Nangako rin si Ancajas na hindi niya bibiguin ang kanyang promoter na si Pacquiao sa tiwalang ibinibigay nito sa kanya.

Matatandaang nasungkit ni Ancajas ang World Junior-Bantamweight title matapos gibain si McJoe Arroyo ng Puerto Rico noong September 2016 sa Taguig City.

Matagumpay ding nadepensahan ni Ancajas ang 115-pound belt nang mapatulog niya sa ika-pitong round si Mexican Jose Alfredo Rodriguez noong Enero sa Macau.

By  Jelbert Perdez  

Comments

comments