Dumistansya ang Malacañang sa grupong pinangunahan ni Davao City Mayor Sara Duterte na “Tapang at Malasakit Alliance”.
Kasunod ng usap-usapan na ang naturang grupo ang magpapakilala sa mga Senatorial bet ng administrasyon sa 2019 election nilinaw ni Presidential Spokesperson Ernesto Abella na wala silang kinalaman rito.
Giit pa ni Abella, mismo galing kay Mayor Duterte na ang grupo ay bukas sa lahat ng mga nais makiisa para sa pagkakaroon ng political peace sa bansa.
Ang paglulunsad ng Tapang at Malasakit Alliance ay dinaluhan ng mga personalidad nina dating Pangulong Joseph Estrada, Ilocos Norte Governor Imee Marcos at iba pang kapartido ng Pangulo sa PDP Laban.
