Umalma ang Malacañang sa patutsada ni Senator Grace Poe na matrapik daw ang Daang Matuwid ni Pangulong Benigno Aquino III.
Sinabi ni Presidential Communications Operations Secretary Herminio Coloma Jr. na limang taong nakiangkas si Poe sa Daang Matuwid ni Pangulong Aquino kaya siya nanalo at naging no. 1 na senador noong 2013 elections.
Sinabi ni Poe na matrapik daw ang Daang Matuwid ni PNoy dahil nadiskaril ang tunay na hangaring genuine growth.
Nagtataka si din Secretary Coloma kung bakit ngayon lamang binabatikos ni Poe ang Daang Matuwid ng pangulo gayung limang taon niyang pinupuri ito dahil sa nagbunga ng positibong pagbabago at sinuportahan ng mamamayan.
Ipinaalala rin ni Coloma kay Poe na nanguna ito sa senatorial elections noong 2013 dahil sa todo-suporta ng mga boss ni Pangulong Aquino ng iendorso siya nito.
By Mariboy Ysibido
