Idinipensa ng Malakaniyang si Budget Secretary Benjamin Diokno laban sa akusasyong panunuhol sa mga mambabatas para manahimik umano sa isyu ng pork insertions sa 2019 proposed national budget.
Ayon kay Secretary to the Cabinet Karlo Alexi Nograles, hindi biro ang inaakusa ni House Appropriations Committee Chair Rolando Andaya, Jr. Laban kay Diokno na tiyak namang sasagot sa mga alegasyong ito sa tamang paraan.
Sinabi ni Nograles na may abogado naman si Diokno at mismong ang OSG o Office of the Solicitor General ang tumutulong sa kalihim ng DBM.
Binigyang diin ni Nograles na buo pa rin ang tiwala ni Pangulong Rodrigo Duterte kay Diokno sa kabila ng mga alegasyon laban dito.
