Nananawagan ng masusing imbestigasyon ang Malakanyang sa nangyaring pagkasunog ng isang medical evacuation plane habang pa-take off ng Ninoy Aquino International Airport (NAIA) noong linggo.
Ayon kay presidential Spokesperson Salvador Panelo, kinakailangan ding magsagawa ng mga hakbang at aksyon ang mga kinauukulang ahensiya ng pamahalaan para matiyak ang kaligtasan ng mga pribadong eroplano gayundin ang mga pasahero at crew nito.
Kasabay nito nagpaabot na rin ng pakikiramay ang Malakanyang sa mga naulilang pamilya ng mga nasawi.
Sinabi ni Panelo, labis nilang ikinalungkot nang malaman na walang nakaligtas sa walong sakay ng nasunog na eroplano ng Lionair.
