Tiniyak ng Malakanyang na puspusan na ang pagkilos ng Armed Forces of the Philippines at Philippine National Police laban sa mga naghahasik ng ligalig at karahasan sa hanay ng mga Lumad at iba pang indigenous people.
Ito ang tugon ng palasyo sa kaso ng pagpaslang sa 3 Lumad leader sa Surigao del Sur kung saan itinuturing suspek ang para-military group na umano’y nasa ilalim ng Eastern Mindanao Command.
Sinabi ni Presidential Communications Sec. Sonny Coloma, base sa pahayag ni AFP Spokesman Col. Noel Detoyato, walang kinalaman ang militar sa sinasabing para-military at hindi ito konektado sa AFP ang Bagani group.
By: Jelbert Perdez | Aileen Taliping
