Nananatiling pahirapan ang pagpasok at paglabas sa Sitio Matigsalog, Barangay Marilog sa Davao City matapos gumuho ang bahagi ng bundok doon.
Batay sa ulat, nagresulta sa landslide ang naranasang malakas na pag-ulan sa lugar.
Dahil dito, apektado na ang paghahatid ng mga produktong gulay ng mga residente lalo’t motorsiklo na lamang ang maaaring dumaan sa lugar.
Samantala, nangangamba naman ang ilan sa posibilidad na magkaroon muli ng landslide sa lugar.
Patuloy rin ang isinasagawang clearing operations sa lugar na ginagamitan na ng heavy equipment.
