Ikinakasa na ng militar ang malawakang operasyon laban sa mga teroristang grupo matapos ang magkasunod na pambobomba sa Mount Carmel Cathedral sa Jolo, Sulu.
Ayon kay Presidential Spokesman Salvador Panelo, tinutunton na rin ng mga tropa ng pamahalaan ang mga balwarte o pinagtataguan ng mga terorista.
Hindi na anya magdadalawang isip ang militar na lusubin ang lahat ng kuta ng mga terror group partikular ng Abu Sayyaf.
Sa nakarating na ulat kay Interior Secretary Eduaro Año, ilang kabataan na edad na 19 hanggang 20 ang natukoy nilang salarin sa pagpapasabog batay sa mga CCTV footage.
(with report from Jopel Pelenio)
