Dapat ikonsidera ng mga mall at restaurants sa National Capital Region ang pagtanggap sa mga fully vaccinated individuals lang.
Ayon iyan kay Presidential adviser for entrepreneurship Joey Concepcion.
Ayon kay Concepcion, ang nasabing panukala ay para makalikha ng mas ligtas na bubble kontra COVID-19.
Dagdag pa ni Concepcion na stronger measure ang kailangan na ipatupad para mapuksa ang pagkalat ng delta variant.
Halimbawa aniya ay sa mga dining areas at ang crew na nagsisilbi ay fully vaccinated pati na rin ang mga customer.
Nilinaw naman niya na ang nasabing panukala ay maaring ipatupad kung sapat na ang mga bakunadong residente sa isang lugar sa Kamaynilaan.—sa panulat ni Rex Espiritu
