Ipinatupad na ng Department of Foreign Affairs (DFA) ang Alert level 4 o ang Mandatory repatriation para sa mga natitirang Pilipino sa Ukraine.
Kasunod ito ng pag-deteriorate ng sitwasyon sa lahat ng lugar sa Ukraine.
Sa ilalim ng Alert level 4, sapilitan nang ililikas ng pamahalaan ng Pilipinas ang mga Pinoy sa mga lugar na may krisis o sakop ng ginagawang pananakop ng Russian military forces.
Aalalayan ng Philippine Embassy sa Poland at ng Rapid Response Team ang mga naiwang Pilipino sa Ukraine para sa kanilang repatriation at relocation. —sa panulat ni Angelica Doctolero
