Patuloy pa rin ang pagpapatupad ng mandatoryong paggamit ng face mask.
Ito ang inihayag ng Philippine National Police kasunod ng inilabas na kautusan ni Cebu Governor Gwen Garcia na opsyonal na lamang ang pagsusuot ng face mask sa outdoor set-up.
Ayon sa PNP , ipagpapatuloy nila ang standing order at direktiba sa mga indibidwal na hindi sumusunod na panuntunan tungkol sa tamang pagsusuot ng face mask.
Hinikayat din nila ang publiko na sundin pa rin ang ipinapatupad na health protocols na itinakda ng Inter-Agency Task Force.
Matatandaang una nang inihayag ng Department of the Interior and Local Government (DILG) na hindi nila kikilalanin ang direktiba ni Garcia.
