Naglunsad na ng manhunt operation ang PNP Anti-Illegal Drugs Group para kina Marine Lt. Col. Ferdinand Marcelino at Chinese na si Yan Yi Shou.
Ito’y makaraang maglabas ng warrant of arrest laban sa kanila ang Manila Regional Trial Court Branch 49 sa kasong may kaugnayan sa iligal na droga.
Ayon kay PNP-AIDG Deputy Director for Operations, Senior Supt. Benjamin Acorda, nagpadala na sila ng kopya ng warrant sa Armed Forces of the Philippines (AFP) upang bilang bahagi ng pagtutulungan ng dalawang ahensya.
Sa ngayon anya ay nakikipag-ugnayan sila sa Philippine Navy na mother unit ni Marcelino at umaasa sa agarang pagpapatupad ng batas.
Hanggang ngayon ay walang natatanggap na surrender feeler ang PNP-AIDG mula kay Marcelino o kahit anong pahayag ng pagnanais nitong sumuko.
By Drew Nacino
