Patuloy na dinadagsa ng mga pasahero ang Manila North Port Passenger Terminal sa Maynila.
Ayon sa abiso ng Manila North Port hindi papapasukin sa loob ng terminal ang mga pasaherong pupunta ngayong araw kahit bukas pa ang kanilang biyahe.
Ngayong araw, nakatakdang bumiyahe ang mga patungong Cebu, Cagayan, Bacolod, Iloilo At Bohol. Karamihan sa mga biyahero ay pauwi sa kani-kanilang probinsiya upang gunitain ang pasko kasama ang pamilya.
Daing naman ng ilang pasahero, pahirapan na ang pag-book ng schedule ng biyahe kaya’t maaga silang pumupunta sa mga terminal.—sa panulat ni Joana Luna
