Nananatiling kumpiyansa si Atty. Lorenzo “Larry” Gadon na malakas ang kaniyang mga ebidensya na magdiriin kay Supreme Court Chief Justice Maria Lourdes Sereno para mapatalsik ito sa puwesto.
Ito’y makaraang gisahin ng mga mambabatas si Gadon sa pagpapatuloy ng deliberasyon ng House Committee on justice Kaugnay sa impeachment proceedings laban sa punong mahistrado kahapon.
Inamin ni Gadon na hindi siya sigurado kung ang Manila Times reporter na si Jomar Canlas nga ang pinagmulan ng kaniyang impormasyon na nagmula umano kay Supreme Court Associate Justice Teresita Leonardo – de Castro.
Pero iginiit ni Gadon na kung kanino man nagmula ang naturang impormasyon, malinaw na may ginawang mga paglabag si Sereno.
Una rito, itinanggi ni Canlas na sinabi nito kay Gadon ang kaniyang source hinggil sa mga anomalyang ginawa ni Sereno sa loob ng Korte Suprema.
—-
