Pinaalalahanan ng Manila Water Company Inc. na magkakaroon ng water interruption sa ilang bahagi ng Makati at Taguig simula ngayong araw hanggang bukas.
Mawawalan ng tubig ang bahagi ang Brgy. Bambang at Brgy. Wawa sa Taguig mula alas diyes ng gabi hanggang alas kwatro ng umaga bukas dahil sa isasagawang interconnection maintenance.
Habang magkakaroon din ng water interruptions sa bahagi ng Brgy. Pembo sa Makati mula alas diyes hanggang alas onse mamayang gabi dahil naman ito sa flushing maintenance na ginagawa sa lugar.
Ilang bahagi naman ng Brgy. Katuparan sa taguig na mawawalan ng tubig mula alas-10 ng gabi hanggang alas 1 ng umaga ng December 21.
Ilang bahagi naman sa brgy. North Signal makararanas ng kawalan ng suplay ng tubig mula 12:40 ng madaling araw hanggang alas tres ng umaga ng December 21 para bigyang daan ang flushing maintenance sa ilang lugar sa Taguig City.
Samantala, nagpaalala ang manila water sa mga residente na mag ipon na ng tubig sa mgaapektadong lugar nga water interruption sa Lungsod Ng Taguig.
