Pitong oras na mawawalan ng suplay ng tubig ang nasa 123 mga barangay sa Metro Manila na sineserbisyuhan ng Manila Water ngayong linggo.
Ito ay bunsod naman ng nakatakdang maintenance work ng Manila Water sa kanilang pumping station sa San Juan bilang paghahanda na rin sa darating na panahon ng tag-init.
Sa abiso ng Manila Water, makararanas ng water service interruption mula alas onse ng gabi bukas, Marso 3 hanggang 6:00 ng umaga sa Miyerkules, Marso 4 ang ilang mga barangay sa Makati, Mandaluyong, Manila at San Juan.
Dahil dito, pinapayuhan ng Manila Water ang mga maaapektuhan nilang customers na mag-imbak ng tubig na sapat lamang sa mga oras ng service interruption.
