Hindi pa tapos sa pagbo-boksing si Senador Manny Pacquiao.
Sa gitna na rin ito nang paghahanda ni Pacman sa kaniyang laban kay Jeff Horn sa Brisbane, Australia sa July 2.
Ayon sa Pambansang Kamao, ang pakikipag bakbakan niya kay Horn ay pagkakataon para mapatunayan niyang pumapaimbulog pa rin siya sa mundo ng boksing sa edad na 38 kasabay ang karera niya sa pulitika bilang senador.
Inihayag ni Pacman na wala pa siyang napapanood na laban ni Horn subalit tututukan niya ang tatlong (3) huling laban ng Australian Boxer na aniya’y kilala bilang fighter.
Sinabi ni Pacquiao na passion na niya ang pagbo-boksing at bahagi na ito aniya ng kaniyang buhay kaya nga nagsimula siya rito sa batang edad.
By Judith Larino
