Ibinabala ni Jeff Horn na maaari umanong magretiro na si Manny Pacquiao pagkatapos ng kanilang laban sa susunod na buwan.
Itataya ng Pambansang Kamao ang kanyang Welterweight Title sa bakbakan nila sa ring sa Brisbane, Australia sa Hulyo 2.
Ayon kay Horn, iginagalang niya si Pacquiao bilang sa mga kinatatakutang boksingero sa mundo at natutuwa siyang pinaghahandaan siya nang husto ng Pinoy Ring Icon.
Gayunman, giit ng Australian boxer, posibleng magdalawang-isip nang sumampa pang muli ng ring si Pacquiao pagkatapos ng kanilang laban.
By Jelbert Perdez
