Tiniyak ni Department of Interior and Local Government (DILG) Secretary Mar Roxas na handa na niyang harapin at tanggapin ang anumang tungkulin na iaatang sa kanya gayundin ang pagpapatuloy ng mga sinimulang tuwid na daan ni Pangulong Noynoy Aquino.
Ito ang tugon ni Roxas sa pahayag ng Pangulo na siya pa rin ang nangunguna sa listahan nito na pambato ng Liberal Party sa 2016 Presidential election.
Ayon sa kalihim, nagpapasalamat siya sa pangulo at taos-puso niyang tinatanggap ang hamon o anumang responsibilidad na ibibigay sa kanya.
Hindi naman aniya, ito para sa kanya lang kundi para sa lahat upang maipagpatuloy ang mga magandang reporma ng Punong Ehekutibo mula pa noong 2010.
By Drew Nacino
