Marantao Lanao del Sur ginagamit na reinforcement route ng Maute

Kinumpirma ng militar na ginagamit na rin ng grupong Maute ang karatig bayan ng Marantao, Lanao del Sur bilang supply at reinforcement route para sa kanilang mga miyembrong nakikipaglaban sa Marawi City.

Ayon kay Joint Task Force Marawi Spokesman, Lt. Col. Jo-Ar Herrera, isinara na nila ang ruta at sa nakalipas na tatlong araw ay wala na silang namomonitor na aktibidad sa naturang bayan ng mga hinihinalang miyembro ng Maute.

Naaresto na rin anya ang isang residente sa Marantao na tumutulong sa mga sugatang terorista.

Dahil sa takot na umabot sa Marantao ang kaguluhan mula Marawi City, nagsilikas ang mga residente mula sa dalawang barangay sa nabanggit na bayan.

By  Drew Nacino

Comments

comments