Posibleng matapos ang termino ni Pangulong Rodrigo Duterte nang hindi pa natatapos ang rehabilitasyon ng Marawi City.
Ito’y ayon sa civic group na Marawi Reconstruction Conflict Watch.
Sinabi ni Saripada “Tong” Pacasum Jr., miyembro ng grupo, sa kaniyang pagtaya hindi pa rin matatapos ang isinasagawang rehabilitasyon sa lungsod batay na rin sa aksyon ng Task Force Bangon Marawi (TFBM).
Sa SONA, inamin ng Pangulo na hanggang sa ngayon ay hindi pa rin kumpleto ang pagsasaayos ng marawi na lubos na napinsala sa bakbakan sa pagitan ng gobyerno at teroristang Maute Group nuong 2017.
