Laglag na sa 2017 US Open ang dating World’s Number 1 tennis player ng women’s division na si Maria Sharapova.
Naputol ang winning streak ng Russian tennis superstar makaraang sipain ng 16th seeded na si Anastasija Sevastova ng Latvia sa score na 5-7, 6-4 at 6-2 sa 4th round.
Ito ang unang torneyong nilahukan ng 5-time grandslam champion na si Sharapova matapos ang labinsyam na buwang break dahil sa doping scandal.
Samantala, sunod na makakasagupa ng Latvian tennis player sa quarter finals si Sloane Stephens ng Estados Unidos.
By Drew Nacino
