Inanunsiyo na ni five-time grand slam winner Maria Sharapova ang pagreretiro nito sa sports na tennis.
Ayon sa 32 taong gulang na Rusong atleta, kanya raw mami-miss ang tennis na siyang nagbigay kulay sa kanyang buhay.
Dagdag pa nito, ilan daw sa hindi niya malilimutan ang mga nakakasalamuha nito sa laban. Manalo man o matalo ang mahalaga raw ay ang mga taong nagbibigay lakas loob sa kanya para ibigay ang buong makakaya sa pakikipaglaban sa tennis.
Nakilala si Sharapova noong 17-taong-gulang pa lamang siya matapos makamit ang unang pagkapanalo kontra Serena Williams sa finals ng Wimbledon.
Sa panulat ni Ace Cruz.
