Itinanggi ni Bb. Pilipinas – International 2017 Mariel de Leon ang binanggit ni Davao City Mayor Sara Duterte – Carpio sa post nito kaugnay ng insidenteng naranasan umano nito sa beauty queen.
Sa pagbalik ni Mariel sa bansa matapos ng kanyang laban sa 2017 Ms. International sa Tokyo, Japan, kanyang itinanggi ang alegasyong ipinukol sa kanya ng alkalde.
Paglilinaw ni Mariel, hindi nangyari ang sinabi ni Mayor Sara na kanya umanong pagme – make face at pagtawa sa alkalde nang magkasabay sila sa isang event sa SMX Convention Center na kapwa nila dinaluhan.
Ayon kay Mariel, malayo sila sa isa’t isa ni Mayor Sara at may iba din silang pinag -uusapan ng kanyang kapwa niya beauty queens nang mga panahong iyon.
Gayunaman sinabi ni Mariel na ayaw niya nang palakihin pa ang isyu at sinabing wala na siyang ibang sasabihin sa alkalde.
Magugunitang naging mainit ang usapin sa dalawa matapos i–post ni Mayor Sara na kanyang ikinatuwa ang pagkatalo ni Mariel sa Ms. International 2017 na sinagot naman ng beauty queen na nangangahulugan aniya ito na hindi masaya ang alkalde sa kanyang buhay.
