Hindi mapigilang ni Mariel Rodriguez na patulan ang ilang mga netizen sa kanilang mga hindi magandang komento sa kanyang pagbubuntis sa kanilang anak ni Robin Padilla.
Ito ay dahil marami sa mga nagco-comment sa kanyang Instagram ay nagsasabing hindi natural at posibleng produkto ng siyensya ang naging pagbubuntis ni Mariel.
Sa kanyang Instagram, diretsahang sinagot ni Mariel ang kanyang mga basher sa pagsasabing, all natural at hindi in vitro fertization ang naging dahilan ng kanyang pagbubuntis.
Aniya, ang kanyang pagbubuntis ay blessing mula sa Diyos at katuparan ng kanyang mga dasal.
Una nang sinabi ng mag-asawang Mariel at Robin na posibleng hindi lamang basta kambal ang kanilang magiging anak kundi triplets.
