Handang magpabakuna ng Coronavac mula sa kumpanyang Sinovac Si Marikina City Mayor Marcelino Teodoro.
Ito’y para mas mahikayat ang ang mga health workers na magpabakuna kontra COVID-19.
Ngunit hindi pinayagan ang Alkalde dahil hindi ito kasama sa priority list ng babakunahan sa lungsod.
Ayon kay Teodoro, ang pagtanggi ng ilang health workers ay hindi diskwalipikasyon na makatanggap ng ibang brand ng bakuna.
Ang mahalaga aniya ay mayroon pa rin manguna na magpabakuna upang maging halimbawa sa ilang may agam-agam pa rin sa bakuna.
Samantala, marami ang hindi nabakunahan sa Amang Rodriguez hospital, nasa 60 empleyado naman ng ibang ospital ang naturukan ng bakuna.— sa panulat ni Rashid Locsin
