Pamumunuan ni Marinduque Rep. Lord Allan Velasco ang ruling party na PDP-Laban sa mababang kapulungan ng kongreso.
Sa isang pahayag, nagpasalamat si Velasco sa naging pasya ng partido na pamunuan niya ang mayorya ng mga mambabatas sa kamara.
Si Velasco ang nakatakdang humalili kay House Speaker Alan Peter Cayetano sa ilalim ng term sharing agreement kung saan, manunungkulan ito sa loob ng 15 buwan.
Kasunod nito, kumpiyansa si Velasco na mapapatatag pa ng nasabing hakbang ang kanilang pagkakaisa sa PDP-Laban na binubuo ng 69 na mambabatas.
