Inilipat na sa pasilidad ng Bureau of Jail Management and Penology o BJMP sa Camp Bagong Diwa sa Taguig si Marine Lt. Col. Ferdinand Marcelino.
Ito ang kinumpirma ni Sr./Supt. Antonio Gardiola, pinuno ng PNP Anti-Illegal Drugs Group o AIDG sa kabila ng kawalan ng kautusan mula sa korte o court order.
Paliwanag ng opisyal, may umiiral na memorandum of understanding sa pagitan ng BJMP at ng Philippine Drug Enforcement Agency o PDEA.
Bago inilipat si Marcelino mula sa Kampo Crame, isinailalim muna ito sa physical check up kung saan, idineklara itong fit to travel ng kanyang attending physician mula sa PNP Health Service.
By Jaymark Dagala | Jonathan Andal
