Iniimbestigahan na ng mga awtoridad kung sino ang supplier ng marijuana ng aktor na si Mark Anthony Fernandez mula sa lalawigan ng Pampanga.
Sinabi sa DWIZ ni PNP Region 3 Director Chief Supt. Aaron Aquino na kaagad silang magsasagawa ng operasyon kapag natukoy na ang marijuana supplier ni Fernandez na una nang naaresto sa isang checkpoint matapos mahulihan ng tinatayang isang (1) kilo ng marijuana sa Angeles City, Pampanga kagabi.
Bahagi ng pahayag ni PNP Region 3 Director Chief Supt. Aaron Aquino
Hindi din bumenta sa mga awtoridad ang katuwiran ng aktor na si Mark Anthony Fernandez.
Sinabi ni Aquino na wala namang sakit ang aktor kayat alibi lang nitong panggamot sa kanyang cancer ang paggamit niya ng marijuana.
Bahagi ng pahayag ni PNP Region 3 Director Chief Supt. Aaron Aquino
Kaugnay nito, sinabi ni Aquino na wala sa watchlist ng drug personalities sa Region 3 si Fernandez.
Ayon kay Aquino nakipag-ugnayan na siya sa NCRPO para alamin kung kabilang si Fernandez sa drug watchlist nito.
Bahagi ng pahayag ni PNP Region 3 Director Chief Supt. Aaron Aquino
Hindi ito ang unang beses na nasangkot sa illegal drugs ang dating matinee idol.
Taong 2004 nang boluntaryong pumasok si Mark sa Bicutan Rehabilitation Center at matapos ang anim na buwan ay nagbalik-showbiz.
By Drew Nacino | Judith Larino | Ratsada Balita
