Itinanghal ng Forbes magazine ang Hollywood actor na si Mark Wahlberg bilang World’s Highest Paid Actor ngayong 2017.
Ayon sa Forbes magazine, umabot ng halos 68 million dollars ang kabuuang kinita ni Wahlberg mula sa kanyang mga pelikulang Daddy’s Home 2 at Transformers: The Last Knight.
Nahigitan pa ni Wahlberg si Dwayne ‘The Rock’ Johnson na siyang highest paid actor noong nakaraang taon.
Umabot sa 65 million dollars ang kinita ni The Rock ngayong taon at pumangalawa sa pwesto.
Hindi naman nakapasok sa top 20 list ang actor na si Johnny Depp na dalawang beses ring nakahawak ng nasabing record.
