Pinangangambahang matutuloy na sa susunod na linggo ang pagbitay kay convicted Filipina worker Mary Jane Veloso sa Indonesia sa oras na matapos na ang tatlong buwang temporary reprieve.
Giit ni Migrante Secretary-General Sol Pillas, inanunsiyo na ang gagawing pagsalang sa execution sa mga bilanggo na nasa death row kabilang na si Frenchman Serge Atlaoui na gaya ni Veloso ay naipagpaliban din ang pagbitay.
Ayon kay Pillas, inaasahang i-aanunsiyo na ng Indonesian government ang kompletong listahan ng mga bibitayin sa pamamagitan ng firing squad sa Hulyo 17 o pagkatapos ng Ramadan.
Subalit sinabi ni Foreign Affairs Spokesman Charles Jose na bineberipika pa nila ang naturang impormasyon.
By Jelbert Perdez
