Hawak na ni Pangulong Rodrigo Duterte ang mas detalyadong “drug matrix” na nagsasaad kung gaano kalawak ang problema sa iligal na droga sa bansa.
Ayon kay Presidential Communications Secretary Martin Andanar, naglalaman ito ng mga pangalan ng mga personalidad na operator o kaya’y protektor ng sindikato ng droga.
Sinabi ni Andanar na sa dami ng mga sangkot dito ay halos masuka siya at halos hindi siya makapaniwala.
Matatandaang isiniwalat ng Philippine Drug Enforcement Agency o PDEA na umaabot sa 1.8 milyong tao ang sangkot o kaya’y lulong sa iligal na droga.
Hindi naman matiyak ni Andanar kung isasapubliko ito ng Pangulo bago o pagkatapos ng kanyang State of the Nation Address o SONA sa susunod na Lunes.
By Jelbert Perdez
Photo Credit: Malacañang Photo Bureau
