Magpapatupad na ng mas mahigpit na health protocols sa Divisoria.
Ito’y matapos dagsain ng mga mamimili ang Divisoria nitong mga nakaraang araw.
Ayon kay Manila Mayor Isko Moreno, mag-iikot sa lugar ang tinatawag na coronavirus disease 2019 (COVID-19) marshals ng Manila Traffic and Parking Bureau.
Ito’y para magbigay ng paalala sa mga mamimili na iobserba ang mga health protocols gaya ng social distancing, pagsusuot ng face mask at face shield.
Nagdagdag na rin ng pwersa ng mga pulis sa lugar.
Kasabay nito, nakiusap na rin ang alkalde sa mga mamimili na sumunod sa mga patakaran upang maiwasan ang lalo pang pagkalat ng COVID-19.
