Muling ipinakita ni Senator Imee Marcos ang kanyang matibay na paninindigan para kay dating Pangulong Rodrigo Duterte matapos arestuhin at tangayin patungong The Hague, Netherlands.
Ayon sa Presidential sister, kasalukuyan niya nang pinag-aaralan at tinatrabaho ang isang ‘makatotohanang solusyon’ upang malinawan ang publiko sa nangyari.
Mahalaga aniyang mabigyan ng paliwanag ang sambayanang Pilipino lalo’t mabilis ang mga pangyayari at pagdala kay Duterte sa detention facility ng International Criminal Court.
Binigyang-diin din ng mambabatas na maaaring magdulot ng mas malaking kaguluhan at pagkakahati-hati sa bansa ang nangyari sa kaibigan niyang si Duterte.—sa panulat ni Kat Gonzales
