Tumaas ang bilang ng mga Pilipinong naniniwalang magiging matagumpay na Pangulo ng bansa ang Pangulong Benigno Aquino III.
Ayon sa resulta ng third quarter survey ng SWS o Social Weather Stations, 35 porsyento ng respondents ang inaasahan na ang Pangulong Aquino na magiging matagumpay na Pangulo kumpara sa 29 porsyento noong second quarter survey.
Nakasaad din sa third quarter survey na 26% ng respondents ang naniniwalang bigong Pangulo ng bansa si PNoy samantalang 39% naman ang nagsabing maaga pa para masabi kung tagumpay o bigong pinuno ng bansa ang Pangulong Aquino.
Sa mga naniniwalang magiging matagumpay na Pangulo si PNoy, 83% sa mga ito ang nagsabing satisfied sila sa performance at 7 porsyento naman ang dissatisfied.
Ang third quarter survey ng SWS ay isinagawa noong September 2 hanggang 5 sa pamamagitan ng face to face interviews sa 1,200 respondents sa buong bansa.
By Judith Larino
