Kinumpirma ni North Cotabato acting Governor Sherlyn Macasarte Villanueva na isang drug lord na nakapiit ang nasa likod ng pag-atake ng armadong grupo sa North Cotabato District Jail sa Kidapawan City.
Tinukoy ni Villanueva ang inmate na si Melvin Casangyao alyas “Hapon” na nagbayad sa grupo ni Esmael Nasser alyas Commander Derby upang itakas siya mula sa kulungan sa Barangay Amas.
Inalok anya ni Casangyao ng 1 million pesos si Nasser na dati umanong sub-commander ng Moro Islamic Liberation Front (MILF) at naging inmate sa nabanggit na bilangguan.
Nakatitiyak si Villanueva na may kaugnayan sa iligal na droga ang pag-atake kung saan halos 160 preso ang nakatakas.
Nag-alok naman ang pamahalaan ng 2 million pesos upang madakip muli si Casangyao habang karagdagang 1 million pesos sa ika-aaresto ni Nasser.
By Drew Nacino
