Kinilala na ng Quezon City Police District (QCPD) ang nasa likod ng pagpatay kay National Center for Mental Health (NCMH) Chief Roland Cortez at driver nitong si Ernesto Ponce Dela Cruz.
Kinilala ni P/Maj. Elmer Monsalve, hepe ng Criminal Investigation and Detection Unit ng QCPD ang mga suspek na sina Clarita Avila, chief administrative support service ng NCMH, Harly Pagarian at George Serrano.
Gayundin sina Sonny Mitra Sandicho, Edison Riego at Maria Christina Dela Cruz habang ang isa pang suspek na si Albert Eugenio alyas “Robert Eugenio” na kabilang sa most wanted ay una nang naaresto
Ayon kay Monsalve, nasampahan na nila ng dalawang patong na kasong murder o pagpatay ang mga nabanggit na suspek.
Maliban sa mga nabanggit, may ilan pang “John Does” na posibleng may kinalaman din sa krimen ang tinutugis pa rin ng mga awtoridad.
