Balik-bansa na ang Mighty Sports Basketball Team matapos masungkit ang Kampeonato sa 2016 William Jones Cup na ginanap sa Taiwan.
Ito’y matapos hindi umubra sa mga Pilipino ang Chinese Taipei sa iskor na 104-80.
Kaninang umaga nang dumating ang koponan sa NAIA Terminal 1 sa pangunguna ni Coach Bo Perasol.
Pinapurihan ni Perasol ang Team Effort at maging ang dedikasyon ng kanyang mga manlalaro para mapasakamay ang tagumpay sa Jones Cup.
Ang Mighty sports Team ay binubuo ng 7 imports, kabilang sina dating PBA Imports Al Thornton, Vernon Macklin at Hamady N’diaye.
By: Meann Tanbio
