Mayroon ng mga napipisil na pangalan si Gilas coach Chot Reyes na idaragdag sa lineup ng Philippine team kahit umatras na si Kai Sotto sa 2022 FIBA Asia Cup.
Ayon kay Reyes, kabilang sa mga posibleng idagdag sa 11-man roster na sasabak sa 2023 FIBA World Cup Asian Qualifiers sina Bobby Ray Parks Jr, Thirdy Ravena at Ricci Rivero.
Kailangan anya ng Gilas na palakasin ang kanilang frontline kung saan si Geo Chiu ang nag-iisang purong sentro sa 11-man roster na natalo sa New Zealand at nanalo naman kontra India sa huling window ng naturang torneyo.
Sinisilip na rin ni Reyes ang kanyang TNT Roster upang punan ang mga bakanteng posisyon matapos ayusin ng PBA ang schedule ng Tropang Giga para i-accommodate ang national team ng koponan.
Nakatakda namang tapusin ng TNT ang elimination schedule nito sa susunod na linggo.
